Facebook
RSS

كل المعلومات عن منحة الـ EFE

-
Mohamed super



  • بسم الله الرحمن الرحيم
    منحة مؤسسة التعليم من اجل التوظيف EFE
    المؤسسة دي بتقدم فرصة للشباب لتنمية مهاراتهم ولاكسابهم الخبرات اللازمة لسوق العمل
    المنحة مدتها شهرين
    Full time يوميا من الاحد للخميس من 9 ل5
    ويوم السبت بندرس كومبيوتر فيه مهندس تبع شركة ميكروسوفت هو اللي بيدرسلنا وبندرس
    Office 2007 , Win 7 and MS Project
    بالنسبة لبقية الاسبوع بقي
    احنا طبعا ولاد وبنات
    بنشتغل مع بعض في اكتر من جروب اثناء اليوم وده طبعا بيدينا خبرة في العمل الجماعي
    او الTeam work
    كل حاجة بندرسها خلال الاسبوع بتكون بالانجلش
    بندرس خلال المنحة 6 مجالات او 6 اقسام
    English grammar & criticl thinking
    Advisory like Emotional intelligence
    Workplace success
    Pronunciation
    Negotiation
    Resume ,cover letter and interview skills
    في اخر المنحة بنعمل بروجيكت وبنقدمه في حفلة التخرج اللي بتكون في ساقية الصاوي
    باذن الله
    الانستراكتورز اللي بيدرسولنا في منهم Americans
    وفيه منهم مصريات بس متفوقين جدا جدا في مجالهم
    وكل الناس هناك محترمين جدا
    مكان الدراسة في الدقي في مكان اسمه برايت ميندز قدام سفارة الاردن
    اقل من 5 دقايق من محطة مترو الدقي
    ويوم السبت علشان الكمبيوتر بنروح مكان اسمه بايونيرز اكاديمي في المعادي قريب من
    بيت الدونتس
    المهم بقي نقدم ازاي ونعمل ايه
    المنحة ليها ابليكشن المفروض تملاه
    علشان تجيب الابليكشن اعمل سيرش علي جوجل اكتب
    EFE Application
    واختار تاني لينك
    وعيش يا باشا
    لو اتقبلت من المعلومات اللي في الابليكشن هيبعتولك ميل علشان اول انترفيو وبيكون
    انترفيو خفيف كده بيكون فيه امتحان تحديد مستوي واسئلة من نوع اشتغلت قبل كده ولا لا
    ولو اشتغلت اشتغلت فين وسبت الشغل ليه ولو ما اشتغلتش دورت علي شغل ودورت فين
    وكده
    لو اتقبلت من اول انترفيو بيبعتولك ميل علشان تاني انترفيو
    وده بيكون فردي بتكون لوحدك مع اللي بيعملك الانترفيو
    بتتسأل نقاط القوة والضعف عندك
    ونفس اسئلة الانترفيو الاول بس ضيف عليها بقي اسئلة عن الاب والام والاخوات وشغلهم
    او دراستهم ومتوسط مرتبهم ولو اشتغلت هتساعد في مصروف البيت ولا لا ولو بنت لو
    اتجوزتي هتشتغلي ولا لا؟
    غالبا الانترفيو بيكون بالانجلش بس لو فرح اللي عملت الانترفيو ممكن تطلبوا منها تتكلموا عربي عادي
    لو اتقبلت في ده بتكون اتقبلت في المنحة ومبروك عليك يا فندم
    المؤسسة بتكون مسئولة انها توفر شغل لخريجيها في خلال 3 شهور من التخرج
    بس كده لو في اي حاجة مش واضحة انا تحت امركم
    وبالتوفيق ياااااااااااارب للجميع

11 تعليق على هذه التدوينه

  1. طب فى فلوس بتدفع ؟
    كام المبلغ؟
    وطالما كل حاجة هتكون بالانجليزى إذا لازم تكون كويس فى الانجليزى عشان تقدر تكمل معاهم؟!

  2. غير معرف says:

    التكاليف 150 ج فقط
    و الانجليش اللي محتاجينه اقل من المتوسط

  3. هى المنحه دى للخريجين فقط ولا ممكن الطلبه عادى ؟
    و كمان هى بتتعمل كل اد ايه يعنى كام مره فى السنه ؟

  4. غير معرف says:

    بس الشغل اكيد ان شاء الله وانا اول مرة اسمع عنها هو مكان كويس وشكرا علي المعلومات

  5. راندا says:

    ممكن لو فى ارقام تليفونات نتصل عليها للاستفسارات
    وياريت لو حد يعرف ان كان شخص تقديره العام مقبول بيتقبل عادى فى المؤسسة ولا لأ؟

  6. راندا says:

    ياريت لو تردوا بسرعه

  7. غير معرف says:

    لو سمحتم انا عاوز اعرف العنوان فين بالتفصيل علشان عندى مقابله بكره

  8. غير معرف says:

    مش مهم التقدير

  9. غير معرف says:

    لو سمحت انا مليت الابليكيشن بس هو باب التقديم مفتوح ناو ولا لا وكمان الابلكيشن بتاعتي مرفعتش الصورة والc.v في مشكلة

    ولا عادي

  10. غير معرف says:

    لو سمحت انا عايز اعرف رقم تليفون ليهم عشان عايز اكلمهم

  11. غير معرف says:

    دلوقتي المنحه بتوجد للمتدرب شغل في خلال 3 شهور بس بيبقي الشغل ده في مجال ايه؟؟؟؟

اترك تعليقك